San Telmok bere ohiko programazioa eskaintzen du egungo egoerara egokituz eta museoa bisitatzen duten pertsonen segurtasuna bermatzeko beharrezko neurriak hartuz. Museora bisita atsegina eta lasaia izatea da helburua.
Museora etortzea plan gomendagarria eta segurua da. Hauek dira etorri aurretik kontuan hartu beharreko alderdiak eta zalantza ohikoenak.
Ikusi hemen xehe tailer eta ikastaroetarako hartutako higiene eta prebentzio neurriak (PDF)
Ohikoa. Asteartetik igandera, 10:00etatik 20:00etara.
Ohikoa. Astearteetan museorako sarrera doakoa da, eta gainerako egunetan sarrera orokorraren prezioa 6 eurokoa da eta murriztuarena 3 eurokoa.
Museorako sarrera web bidez eros daiteke.
Museoko bazkideek sarrera doakoa dute.
Bai. Museoak bisita gidatuak eta hitzaldiak antolatzen ditu, unean-unean ezarritako segurtasun-neurriei jarraituz. Horren harira, jarduera gehienek aurrez web bidez lekua erreserbatzea eskatzen dute.
Jarduera batzuk zuzenean ematen dira web eta youtube bidez, eta diferituan entzun daitezke Ivooxen.
Museoak bisita gidatuen erreserba-zerbitzua ere eskaintzen du talde eta ikastetxeentzat, unean uneko segurtasun-arauen arabera.
Bai. Liburutegia irekita dago ohiko ordutegian, eta ohiko zerbitzua eskaintzen du (mailegua, itzulketa, kontsultak aretoan eta GCBC argazki-liburu bildumaren kontsulta) museoan eta liburutegietan indarrean dauden higiene eta osasun neurri berdinekin. Gainera:
Urgulleko ondare eta natur interesguneak ezagutzeko eta mendian barrena ibilbidea egiteko mapa bat eta mugikorrerako aplikazioa kaleratu ditu museoak. Ibilbidea San Telmo Museoan hasten da, bertan mapa eskatu eta app-a deskarga daiteke, instalatu ondoren konexiorik gabe funtzionatzen duena.
WEBGUNEAREN TITULARRA:
ORRI-OINA:
Menu osagarria:
San Telmo Museoa. 2024 copyright ©
NABIGAZIORAKO LANGUNTZAK: